可笑的星期六

今日睡左個晏覺, 一睡就睡到夜晚了, 起來的時候已好似忘了昨天發生的事, 本來昨天想在這裡講述昨天發生的笑話, 而家我都沒這個心情了，只是覺得成件事都很可笑，真的很鄙視那些大公司入面的小人！一面裝著好人的樣子、好人的語調，卻在暗地裡做些賤格又小家的事情。在這裡想輯錄一些很正的小人說話和行為：
1. 自圓其說
「既然公司有咁0既決定，你又打算這樣，那可能真算是個Bingo。」
2. 扮好人、唔想賠錢
明明想即時解僱我（其實佢地要１４日通知我或賠１４日俾我），當知道我想resign時就即刻唔想賠錢，就同我講： 「啦，不如俾你早ｄ走，俾你今日走，咁唔洗１４日綁住左你，你又冇得去見工，其實我都要幫你fight的。」嘩真係多謝晒你囉! 我話：「你要我今日走，即你當即時解僱我啦！你要俾返14日錢我架喎!」人事部：「er..如果當炒你（用英文講）就係」咁我梗係要錢啦! 幾開心！自己想走仲有錢賠返!
3. 亂來
明明員工手冊寫住940先當遲到，但佢竟用螢光筆圈低晒我ｄ九點三十幾分的時間出來話我遲到。
4. 變態
隨時準備特大膠袋送俾要走的同事
5. 釣虎離山
先叫人事部打電話叫我去傾野，再叫其他同事入房開會，會議最後先向同事宣佈自己要即時解僱我，人事部確認我正式離開公司後打電話入房：「佢已走左。」先放返ｄ同事出去，連俾我向同事拜別的機會都沒有。
6. 賤格制度、呃秤!
公司未過試用期的同事，除左星期日之外，紅日係冇錢的，即是說一個月有30日，若有一天紅假，你就算返足(即就算紅日都返工)，最後都只得29天的薪金。所以，我那14天的賠償，只有13天的金額。
7. 嚇鬼
「啦你陣間返埋位，就只係執拾你ｄ私人物品，係『私人物品』，唔好搞個電腦desktopｄ野，(即刻補充)我地係保障你，『保障』你架0者! 我地會搞架啦，試過有人delet晒所有野，我地發晒律師信，(又即刻補充)當然我地信得過你啦(笑),ok?」
其實仲有很多都很可笑，不過唔寫低了，不值得，這裡寫的都是想俾ｄ舊同事睇下，一起取笑吧!如果可以請為我廣傳!

在這裡要多謝一直關心我的人，我沒有不開心，我只是有點點婉惜沒有向你們道別和道謝...
多謝老細，不是你的鬼＿眼，如果唔係我不能認識這些好同事；多謝人事部，你的戲很正又很假，很喜歡看你做戲！
真心多謝各同事：（英文字母排序）
Agnes and Connie：我是最喜歡跟你們傾偈的了！真的愛死了你們！XD
Candy: 總覺得你有點與別不同的氣質呢!　我很喜歡跟你談話！聽說你已睇完<福伯>要告訴我感受啊！
Maisy: 你可以說話少聲一點嗎? 係人都知道你做緊野了?
Miranda: 你比任何人都細心和有耐性，我不知道在合作過程，你為我做多了多少，不過我覺得幫你做野是很值得和沒有壓力的，也算是合作得很愉快啊! :) 我也很愛你呢!
Nicky林力奇：唔知點解走果下會擔心你會唔開心，不過都是我多餘吧! 多謝你陪了我一個月出街吃飯，還有帶給我、Connie和Agnes無窮的歡樂! XDDD若果早五年認識你或者我會追求你，你真的太可愛了XDDDDDDD
Phyllis: 你還是我的偶像啦! 雖然較少跟你說話，可是我仍覺得你是十分可愛~~希望自己會睇得晒你本書，我也會努力做自己的東西，希望可以真正推出市場就好了!
就此謝過了~U___U