「阿鐵系列」#003

雖然聖誕到而家新年，發生左Ｄ事，但都無損創作心情。有人說我似乎很平靜，我話佢知我只係難過左太耐，所以事到如今我都冇乜特別情緒起伏了，這也是個悲哀：零感覺、零可惜的悲哀！

零六年的願望是遇到更多的好人，遇少Ｄ衰人，我這廿三年已經衰夠了！屬狗之人都應該知道自己已經連續幾年唔知犯左Ｄ咩太歲定行左咩惡運咁啦，因為我從來唔信，但年年都有收到阿媽同人地阿媽俾我的平安符／玉，不過阿媽仲嫌我衰唔夠咁款，打0黎同我講：「（陰森地）你來年會特別差....會有血光之災......」之後完全冇講解決辦法就收左線，我想話，呢Ｄ唔係關心，呢Ｄ係咒詛囉....唉！！！！
大抵我會為了擋開／避免這個「血光之災」約埋同一屆畢業的狗肖同學，去捐血（擋災）或者自殺（為了避免面對而自己行動令我媽等八卦之輩以為應驗）。
說笑吧，我只是發悔氣...

喂！唔好講衰野！
零六年第一件版畫，這是Agnes口中的「阿鐵系列」的第三款，這款的非介紹不可！唔好見到貓貓個樣唔可愛即刻唔鍾意左先，這款的雕刻技術比之前兩款要求高得多，唔好見到我雕空隻貓覺得好易，或者覺得個構圖簡單就以為我冇心機，其實「雕空留線」呢下比雕走Ｄ線係難好多的！今次剩係講隻貓，我已經用了大約三個鐘來雕，虛實的運用、刀款和質感的關係，專心仔細地留下幼線，還要憑空想像效果，真係要心水好清先做得到，咁我而家唔係讚自己，就係唔熟先會搞左三個鐘0者，我想話。而果Ｄ好似好複雜的"氣味"的線條，反而是很易做到，真係估佢唔到呀！這個款也試印了信封，大家也可以到這頁一直看下去嘛∼ 不過本人認為這款印成信封，實在有點嚇人和滴汗的感覺啦，我覺得較適合做postcard, 很有氣氛，很耐看。待第四款完成，我會把它們湊成一套做postcard，各明信片大王密切留意了！