香港政府係咪食左屎之唔知第幾鑊！

尋日，平安日，有兩件事發生。
一）「永遠懷念塔可夫斯基」辦的「聖誕半裸派對」被查封。
二）julian 馮炳德下午判刑，告佢第212章36b襲警罪，還押佢兩個星期，再等判決。

先講第二件事，我真係好想知道政府個腦諗緊乜，我地有市民做證，竟然話我地一大班人遊行諗法一樣所以証供唔可信，你老母！已經是第幾次了？而家julian 唔係殺人放火強姦，法官你還押佢黎等下次判替死呀？差人先生，我唔該你，攝高你個枕頭諗清楚你做緊乜野？你明明冇事，連郭家騏醫生在場驗過你都話冇事你自己好清楚！你而家係咪成條友癱左返唔到工？
何況，julian 冇掂過你！
我唔想講咁多，我好唔開心。
睇片，julian入獄前講真相。


...................
伸延閱讀
內有更多關於事件和朱凱迪解釋用來對付請願人士的〈第212章36b襲警罪〉和〈警隊條例的襲警罪〉有何不同
朱凱迪的馮炳德犯了哪門子的襲警罪？

\\\\\\\\\\\\
再講返第一件事
我覺得真係好搞笑。
學G話事解，差佬你地真係未拉人先興奮喎，而家發生咩事？
話說係(my little airport的)林阿P同(pixel toy的)何山搞個新project（永遠懷念塔可夫斯基 Forever Tarkovsky Club），趁聖誕當期搞一個跟新歌同名〈聖誕半裸派對〉（此單曲第一次發佈是在07年聖誕, 維港唱片的免費下載合集《We Wish You An Indie X'mas》中，而組合名是"too long without sex"）的演出兼一起欣賞塔可夫斯基(Tarkovsky)的電影。
本來他們打算在富德樓辦這活動，在facebook和blog宣傳，八卦不求甚解的報章報導，差人即上門看個究竟，帶了事主，還有業主去「協助調查」。
最後，昨天事主快手為活動改名為「健康道德聖誕樂融融音樂會」還設計了另一款logo

演出場地換到較「公開」的油麻地kubrick。

好吧，事情發展幾乎可以背出來了，但我都不知發生了什麼事。
獨立創作的可貴之處在什麼？
我們需要這些可愛的創作調劑平日上班工作的苦悶，"too long without sex" 是你我不願意向別人吐出的那一句，每逢佳節陪思春，聖誕半裸派對絕對是烏托邦，關於創作，不是大尻晒，不是說殺人放火我叫它做藝術可以無罪，但唔該了解清楚係咩事，且看這個mv, 如果你覺得他們是在公開宣傳一個在私竇的不良活動，而警察也當他們是這類活動而極力權喻他們收皮，我能說什麼？一個據說是本來想拍成AV feel 但最後幾近變成一個關於青春的mv被人誤解，我只能為香港的所謂道德界線、創意工業默哀。


永遠懷念塔可夫斯基 - 聖誕半裸派對 from Gregor Samsa on Vimeo.

model: 露體狂小丁
video: 德國藉影像作家格勒戈爾.森武沙(Gregor Samsa)
詞/曲: 阿p
編: 何山/阿p

我哋渴望一個聖誕派對
嗰度會有好多好多美女
而且個個都係半裸少女
一齊去搞瘋狂派對

我哋經已失去太多興趣
我哋經已失去太多伴侶
我哋渴望一個半裸派對
一齊去搞瘋狂少女

...................
延伸閱讀：
永遠懷念塔可夫斯基的facebook group
袁智聰的介紹
周思中的[編輯室周記]來收這份聖誕禮物