《月台》接招大會（「文字在……」活動系列二)

好像過了很久的日子，由06年3月到現在，數算《月台》期數只有16期，實在十分可笑。

窮鬼要自資當然是艱難的；資助後經濟環境其實一樣，而你要做的比之前複雜十倍，那的確是萬分吃力也無人想看見的。但你要我再提起為什麼去申請資助，想我是答不出來。

也許只是一味兒覺得《月台》的確需要存在，只是沒有錢就不行，就是這樣簡單。

有贈品時期的《月台》我更能大膽說真的「我地唔做就冇人做」（呢句我冇講過關於自己的畫，但在兩份報刊找到，不過說月台我就不會否認）。喂大佬，你有幾可一本自資出版的刊物封面期期搵唔同artist做，期期有贈品，雜誌送贈品唔係新事，問題係Ｄ贈品大部分都係artist 同編輯0既限量作品心血（你家下想再搵返都未必有，有Ｄ我自己都冇！請看過往目錄），仲試過俾人偷贈品，你真係諗下，做到咁如果最後都要摺埋，就真係有Ｄ可惜。

由第一期自資限量一百本完全人手切紙釘裝加手印贈品仲要惡到用公文袋入住書店次次投訴你唔吸引都死keep住個死人公文袋，到而家受人錢財加大加厚冇贈品仍然堅持用騎釘唔要膠裝書脊，你話完全冇掙扎就真係講大話呃細路，但中間經過了多少個故事建議推翻取捨裁定否決，我地都願意跟大家分享。在第12期出版時，我說過《月台》12像皇后碼頭事件（轉眼又一年多，陰公）一樣，是開始唔係結束，也是《月台》的一個重要的轉捩點，到了現在第16期（順道會在星期天發佈），其實到現在就算是排版這些問題，我們都沒有劃一的風格或規限，也就更希望聽多一點大家的意見，《月台》仝人跟大家一齊接蕉。(冇左你地，呢隻蕉，我地真係哽唔落架....)

聽日，4pm 序言見！另有以往一些作者做嘉賓，如果你耐唔時都會買下，都應該有興趣黎下0瓜？哈哈！