周潤發簽名保皇后碼頭！
（轉載inmedia）
短片前言:
大概凌晨四時多,一張熟悉的面孔,一身causal的裝束,獨自駕車來到皇后碼頭,來到留守的朋友面前,關懷地問"你們會堅持到幾時?",我們認真一看,原來那人就是周潤發.
周潤發,一個和皇后碼頭年齡相若的本地明星,這一問讓我們知道,他對碼頭的命運是關心的,他沒有從頭問起,如"你們在幹什麼?"可想而知,對於這件事和我們的行動也有一定的了解.
其實他來碼頭的目的是拍照,但抵步的時候,第一時間不是拿出相機,而是上前向我們問好,也顯出了他對人的關懷!
問過他對這件事的看法,他不無唏噓地表示,現在碼頭被迫清拆已是既定事實,然而他卻沒有叫我們放棄,還勉勵地說,如果我們能夠保衛碼頭,就是英雄!我想在他的無力感底下,還是有一股堅持的力量與願望呢!
以下是當晚在場的花苑的民間報導:
4月28日清晨4:24am，一個貌似周潤發的人出現, 但佢的行動舉止似足一人個便衣, 而且好似suppose 我地全部人都識得佢(好似馬sir著便衣果陣d態度咁), 身邊的阿牛已經禁不住興奮心情, 話: 「周潤發呀!!!」 我就上前打招呼, 俾318特刊和貼紙佢。
發哥問: 諗住撐到幾時?
我答: 撐到直至政府讓步為止!!!!!
當場大家已經控制唔到自己的情緒，要爭住簽名合照,
然後發哥輕輕一句: 唔好影住, 我會返黎。
原來發哥想係想黎同皇后碼頭靜靜地影下相。
佢搬出一台「四五機」(超舊式大菲林機), 測光、影相。呢個時侯在場的人都在計劃要求他為我們拍呼籲短片, 大家情緒非常唔隱定。發哥影完相，收工狀，kathy建議追上去問拍片的事，我地話「如果佢真係返轉頭，就上啦!」點知佢真係返轉頭!!發哥打算同我地簽名影相，問:「邊個先？」
我拎住我地的宣單行埋去插咀話：「不如做左正經野先．．．」
發哥話：「影相都係正經事...」（慢條斯理地，超級大明星風範！）
大家的情緒已經完全失控，因為說了蠢話太丟臉，所以這個時侯我就呢埋一邊寫左張「支持保留皇后碼頭」A4紙，打算拎住同佢影張相(是我地大家計劃左做的事，加上如果佢唔肯拍呼籲片，有張相都已經好掂! ), 點知佢又真係好樂意,招牌笑容已經唔駛多講, 仲主動撘膊頭，友善非常!!!! 大家情緒高漲, 呢D位梗係食住上，叫發哥0係皇后塊布度簽名支持，二話不說, 就簽了!! 我等貪心之輩，不要臉的要請發哥拍呼籲片，佢話:
「我黎左, 等於支持啦。」仲對我地講: 「如果最後真係得既時候，你地就係英雄黎架啦。」然後駕車離去，已是清晨5點。
發哥走左之後，我們還不斷重覆翩看影片和合照，大家都不能鎮定下來。真係感動到震!!!!周潤發都黎保皇后!!!!最後奉上相片和28號清晨的日記，各位真係睇真d啦!!!
睇相
::後記::
呢篇的確是很重要！今早清晨發生了很多事，基本上沒有睡過，就要同阿基去整呢篇野，半條人命。浩然的鬼佬朋友matt.問左我一個好重要的問題，佢問點解我地咁興奮？
雖然佢知道發哥係乜水，但對於佢來說其實是no big deal, 佢會比較想接觸Ｄ佢認為有意思的人（例如訪問朱凱迪），我解釋俾佢知，
我地咁開心，唔單只係因為有大明星黎左，而係，周潤發的確是很代表香港，很「本土」icon，又代表草根，對香港人黎講佢的確係好重要！！！正如編按話：「佢黎到第一句係問『你地打算撐到幾時』，而唔係『你地0係度做緊乜？』」呢一句溫暖的問候，要是換轉一個唔認識的市民，我已經覺得是雪中送炭，而我根本冇suppose過發哥呢個時候0係香港（唔同串屎方力申果Ｄ，基本上0係街度見到都唔會覺得出奇），而一個藝人，對事件有這個層次的理解，這一刻我們是真正的感動著！
再加上，佢黎影相，影相好多意思，可能你可以單純屈佢懷舊，同１５萬人告別天星冇分別，但當我寫完張「支持保留皇后碼頭」紙，行去同佢合照，佢是非常樂意，影完、我地歡呼，我知道佢都明白我地點解咁開心，並唔係單純有個大明星走出黎話支持然後出現0係娛樂／港聞頭版咁簡單！
簽名果陣發哥話：我要做既野，已經做晒。
佢知道自己要做的事、知道自己的位置，如果再要佢拍呼籲片，已經超出佢的角色和位置的範圍。
簽左名、影埋支持口號相，我地已經心存感恩。
同場加映，皇后進駐行動呼籲片
！我們的菜園村特刊第三版，歡迎下載！
09年3月7日至22日
