星期一, 10月 31, 2005

唔好戴頂咁0既帽去探北極熊!!!



北極熊對住頂帽虎視眈眈@.@!! 好搞笑!> 0<~~~

一些瑣事


《情書》十週年,IFC 重播,播埋後日就冇了,快D搵個好男仔去睇啦!
睇下點先啦!

scanner 壞左,爆唔開心,唯一可以將我D畫呀相呀走入電腦,發俾你地睇的通道都壞左(唔好叫我用數碼相機,這方面我完全是個白痴!),寫字又搞到D人唔明晒咁,我完全同外界隔離了。

買左The Cardigans新album(Super Extra Gravity(Limited Edition)) ,慢慢聽緊...

晚晚失眠,好似而家咁訓唔著在打日記看書畫畫無聊上網呆坐至天光。

仲等緊女.性.網幫我upload野。(等到又點呢?)

聽日就生日,唔想聽日咁快來,唔係因為唔想大,只係唔想無啦啦有日懶特別叫生日,我會盡量睇得輕D....

教唔掂兩兄弟貓,今晚決定再困住佢地。冇辦法,太曳了。

cheap男人ssssss扮聽唔到我電話,話請我飲野冇左件事。打電話唔聽,send msg唔覆,所以我都學識這樣對那些cheap人。

都係西門子最好,打得跌得劈得淋得收得放得講得行得走得仲用得。

兩三年沒見的(女麻)(女麻),幾星期前再去探佢,個個唔認得,只認得我,唔識講野,但只識叫我個名同對住我笑。

懷疑阿媽有老人痴呆,成日屈我(女麻)和我婆唔認得我。講野又一舊舊。

仲未搵蓮姐!
仲未搵返沒收了我的作品的婦女中心!(i almost DIE!!!!!)

猛咬煙仔蛋糕仔,搞唔掂!!

好鍾意阿倩。

兩件事(金句):「一定要戴套!唔好吸毒!」


對不起,瑣事太多,一時間都諗唔返咁多來寫,
希望星期二之後心情好少少。
在這裡為你報導的是我,我是陳花苑,
謝謝。

星期六, 10月 29, 2005

Super Extra Gravity (Limited Edition)


This limited edition comes with a bonus-DVD.

DVD includes;

- A movie from the recording of "Super Extra Gravity" plus an interview with each band member talking about all the different instruments being used on the album.

- Interview with producer Tore Johansson

- Peters demo for "I need some fine wine and you, you need to be nicer"

如果香港都有呢個就好了,而家連普通版都未有....


但係普通版張相又靚D...點算呢???
咁我唯有祈求香港有特別版,裡面仲要有呢張相啦!
冇辨法,我太貪心了!
擁護the cardigans的你,這是最好的安排,不是嗎?

星期三, 10月 26, 2005

喂!真的有仇嗎?收皮啦你!

今日下晝五點幾鐘,親愛的蝦米(屎公司舊同事)致電,告訴我課室(請自行在Google search打「課室」 ,第一個result就是了!因我堅持不落連結!)打來叫佢見工。
而家係咪咁賤格,要逐一踐踏侮辱奚落睇唔起晒我地先開心先!頂!!你同屎滾有仇唔好搞我D好同事!我D舊同事全部都好有實力,唔駛幫你打工架!食屎啦你!

蝦米係0係我未被課室踐踏果朝寄了信去,而家知道了課室的卑鄙無恥,蝦米只有兩條路可以行:
1)唔去;
2)上去鬧爆佢;

考慮到親愛溫柔可愛的蝦米,我不會忍心看著佢送死或傷痕累累的回來。
如大家都看不過眼,想鬧爆課室或想頜教一下互相切磋,我很歡迎大家摹認/表明自己是屎公司前職員,幫我(地)被踐踏侮辱奚落睇唔起晒的一群討個公道。:)
如真有興趣,可以向我報名,我會為大家代寫履歷表。

謝謝您的注意。

星期二, 10月 25, 2005

在課室被踐踏

尋日2nd in 課室,超爆嬲!我要講晒成件事出來,俾業界同行知道課室老細的超自大賤格刻薄無禮小家人渣口臭扮晒野!

事 源是我窮得要 命,死死地上網找工作,忽然看到課室(恕我小器,我實在不想連結幫佢賣廣告!總之就係課室classroom啦!)請外判,即刻apply,apply之 前其實已經從舊同事噢肥利亞口中得知,說課室對我上手老細屎滾有偏見,在她見工時被奚落和單打了一番;另一舊同事小琪也提醒我要小心,她是在廣告看到課室 請自己在屎公司做的同一post,寄信應徵,最後連見都沒有見的一員。我當時的表現瀟灑十分,心想自己只當個外判,應該不會太執著我的背景,而且堅決說不 會做長工,因為已看穿如果老細明知自己是什麼背景,還請我做長工,日子必不好受。
  
上星二見了工(1st in),就在見工的前兩天給我發現佢有長工的offer,因為上段末的原因,所以想"咋"看不到,但因為太窮又貪心,不甘心那些工落到些無謂人的手上,雖 然沒有寄信apply,但都成日諗住。到見工果日,因為知道“偏見”一事,所以並沒有把屎公司做的東西第一時間拎出來present,可是那個像是編輯的 物體看到了作品就是超有興趣,又猛drop notes;唔知點樣,我地提到佢公司有長工offer,之後佢就叫我:
「如果唔介意不如做埋個test」(重點1),又話:
「如果touch-wood長工果邊唔得,我地都會安排返freelance俾你」

啦!明顯佢係想我做長工的!明顯佢地係等人用的!(重點2)
我果時都未決定係唔係想做長工的,只是覺得就算是長工offer都ok。

做 左個死人test,我幫佢地排左一版野,喂大佬!排左出來,真係覺得如果唔請我,係佢地的損失!因為好滿意。而且我見到接應我的設計同事,看到作品後有半 個驚嘆表情囉。之後個編輯又彩影左我帶來的作品,其實我有D唔開心,覺得佢地好狼,咩都搶晒去,又要我幫佢地做野,成間公司古古怪怪。當晚我覺得佢地都唔 會再搵我了。於是死了一半心。

過左兩日,就有人打來話:
「陳小姐你星期二見了個外判插圖員,而家想約你下星期一 2nd in 個graphic designer長工
各位,大家可以見到成句野係有問題的!
係佢地叫我去2nd in 長工的。(重點3)

好啦!尋日就係「下星期一」,2nd in 是要去見Art Director(下稱AD)。
我 今日已經早成廿分鐘去到,到約定時間之後仲要等左半個鐘先見到AD,入佢房傾,佢已經口窒窒,我感覺都不是太好,睇下我做過的書,傾下我用幾多時間完成, 仲話埋俾我知如果是做長工,工作範圍是什麼,主要做邊本書,佢話我大半時間會做magazine 喎!之後又叫我要認真考慮做長工會出現的問題,問我係咪真係想加入。喂!大佬!唔係你叫我來2nd in 長工架咩(重點1+2+3)????又話公司真係需要一個隱定的長工,咁即係想我做咩架呢?唔清楚囉!我咪答佢,可唔可以在probation試,0岩咪 繼續,唔0岩先轉返做freelancer,佢話OK。
講到人工,
我 上星期二填form果時,鬼"黯"眼填了9K,我多數寄resume 都寫10K的,以防別人還價,就是因為這次,我一開始心裡就想著要見外判工,所以寫少了。教我講大話,話自己剛搬入屯門,沒預到車資,話只要誠懇D,叫 多1K都唔會係問題。最後我冇講大話,我心想其實9K都acceptable的,如果fight不到就算(即只做freelancer算數)。點知果個 AD連9K都還我價:
「如果8或8K半O唔OK?」
咁梗係唔OK啦!咪玩!咁我就學嘈說的「誠懇D」咁講出因為一心想做外判,沒計車資的理由(呢句同時透 露了,我是被動叫來2nd in 長工的:(重點4)),所以寫少了。佢個樣好似勉強接受了。之後就話要我一起見一見老細。
我心知不妙了!
那個AD要我自己向老細解釋/說明下人工的問題,和講下以前公司是做什麼。仆街!

一入到那個老細陳生的房,佢已經眼尾沒看我一眼,我叫佢一下,佢都不看我,我同那個AD就行埋去佢張台前,才叫我們坐(都是沒看我一眼!正一狗!)。都算!
之後就開始猛掀佢D下屬釘俾佢果疊野--我的作品和履歷,然後開始踐踏我。
講到人工時,我又再誠懇地講出上段「外判」的理由和屯門車費好貴,佢就話:

「出 面好多人都住屯門呀!你咁講,佢地咪好唔掂?即係你話唔寫萬一蚊都算偷笑囉?(我沒這樣說過!)出面坐0係度果Ddesigner都低過晒呢個價(唔信出 版社Ddesigner咁少錢囉!), 如果請你用呢個價,第時有咩比較就唔好。好老實講,你又做左兩年freelancer,都辛苦過啦!邊個唔想隱定D 係咪?不過我見你的野,我覺得都未合符水準咋喎(尖酸刻薄故意挑剔語氣)!如果真係要加入我地團隊,你仲有好多地方學習同空間去進步,即培訓啦0下嘛!0 下(望一望我同那AD)?你又點俾到信心我地呢?0下嘛?好老實講,你就是來見freelancer啦!呀∼無啦啦同我D同事傾開偈呀嘛?(望0下我)話 想做長工?(我馬上澄清是那同事叫我做test=(重點1+2+3)係囉!佢地又多0野做,等人用就話覺得你會幫到手,不過我覺得你D野...(皺眉望 住我D野)麻麻都唔夠水準(尖酸刻薄故意挑剔語氣),唔係8K9K的問題(同屎滾講野一欖樣!)!如果你話人工唔寫萬一蚊都算偷笑囉(我都話沒這樣說 過!)、又唔係我話要做長工囉、係你地迫我來見的啊(事實是唔係我話要做呀,不過我又ok可以做0者),咁又另一個講法。睇下你0既決心啦(唔在乎語 氣)!(望住AD)又係咪應該先做左freelancer先,合作得好先再睇下點呢0下?」

中間減左D無聊問題,例如:你以前老細本來做咩?
又想單打我舊公司拎左佢D樣書去「抄」考,但我根本唔道咩事,於是單打失敗。
故事仲未完,佢係咁踐踏我,又當的乞兒來討佢飯食咁,我梗係嬲爆!
出左佢房,又要同AD傾,我咪即刻鬧AD:
「喂你地唔係傾好先叫我來架咩?我接受如果一開始你地覺得我D野唔得,你話我唔得囉,而家你叫晒我來2nd in 之後先話我唔合標準,我覺得你地浪費緊我D時間囉!」

個AD唔好意思樣,仲要問我傾freelanerD野,我話:
「真係做呀?你地傾好未架?我想問個問題,唔好介意,你老細咁唔鍾意我,我咁唔合標準,你仲叫我做野?會唔會唔係好恰當呀?」

AD:「er.....係咁0既,佢係睇果D野(錢)囉,因為長工講緊係一兩年的野,同埋有時十三/十四個月糧的野,長線D,就唔係一兩個月的野囉,就同你的設計係冇關(笑)」

我:「唔係喎(強硬)!你老細唔係咁講喎!你老細意思係同你講的相反喎!」

AD不好意思樣:「er...佢合作得耐係咁樣,如果你仲會幫手做插圖,都請不要介意佢剛才說的話囉...下...」

那刻我想我真是太窮,如果有天我要面臨真的餓死,我也可以有少少野做,有少少錢,所以求求其其同佢傾了些細節。
事 實上佢而家開給我的續版計畫的價錢仲少過屎滾俾我,佢話夾得耐、改得少時會慢慢加,好可疑囉!唔知佢點定義!仲有一樣野我覺得最唔得的是,佢不會先附上期 少少錢,做晒成個先找埋條數的,我覺得好冇保障囉!佢話如果真係有野要我畫,會是十一月第二個星期會找我,不過我而家已經不想做,我想佢打來我會拒絕

老細個個都孤寒,但孤寒得佢呢D咁自大咁黑人憎咁口臭咁賤格咁人渣咁扮晒野的呢,我想這個世上仲有冇可以再衰架呢?我想見下囉,認真!

星期三, 10月 19, 2005

在課室裡見工

去了一個課室,差點見了三份工,最後見了兩份,好驚最後沒有offer卻用了我造的東西,如果有offer我就可以脫貧了,我可沒有那麼多錢來打官師告爆人地啊!做了一個連自己都覺得滿意的稿,又讓人複印了自己的東西(彩色!),全部都是超快速的,好似被人打劫咁。

你知道嗎?
窮人守則第134條:
「窮要窮得有智慧,做個聰明醒窮人」

我實在沒有天份。

在課室裡打劫。

星期六, 10月 15, 2005

再見了,波波


祝你愉快,我永遠愛你。

Kutar終極爆無聊打字game

出咩數字就打咩...

玩來玩去都只有B...

(換了keypad來玩之後....)
多謝∼∼

玩!

星期五, 10月 14, 2005

前衛

﹣看到很多靚仔狗狗
﹣看到飛蟑螂
﹣用兩蚊買了一個不能打火的打火機
﹣煙嘴對煙嘴一次過燒了半包瘦卡碧
﹣以為自己思想前衛行為保守,原來思想前衛行為都前衛,
咁前衛
點算

跟Kate在海邊傾了兩個多鐘頭,總算清除了心中小小的疑慮。

星期三, 10月 12, 2005

超煩超懊惱!

對於貓貓經常抓爛垃圾袋和坐入垃圾筒這個行為,我感到超煩超懊惱!

星期六, 10月 08, 2005

畫呀畫!


無鬼聊聊畫幅畫就係我呢D人啦!click張圖就可以睇一次我成幅野點樣由冇變有,好好玩呢!你都來玩玩吧!
那是一個俄文的website, 如果大家驚畫完唔識save, 可以自己先print screen capture一次先啦∼哈!入到我果幅畫的flash之後,右邊有支紅色的鉛筆仔的掣,click下就可以自己畫一張新的了!
仲可以觀摩外國的癲人畫的畫呢!
(注:好多時夜晚睇呢個網頁都load唔到D畫,如果看不到,大家可以試試留在日頭看:D)

p/s: 係喎!畫完記得俾返你地畫的畫條link俾我呀,我也想看看你們畫的東西呢!

範例:朋友的夏奴潔儀

星期二, 10月 04, 2005

十一尋花國慶玩貓會


雖然今日已經是四號了,可是我一定要記下本人本年度最爆的事!

玩貓會是ben在八月尾先提出的,因為知道我家來了兩只兄弟貓,籌備的事就由我來辦了(其實每次聚會都不知為什麼是由我來籌備....),九月頭開始聯絡,九月中已發了邀請卡(註:由我搬到新居的第一次聚會開始已經有製作E帖的習慣,所以今次都不例外了,實在怕大家收不到E帖/假裝忘記最後甩底不來,這是有防止藉口出現的最好方法!),大家收到了邀請卡都十分雀躍呢!


這張邀請卡最大的賣點就是字體和所有圖案(包括背景暗花)都是自己畫的,不是打字和用clip art;而最大的破綻就是兩隻貓的剪影不夠似貓,原因只是因為我懶。

之後就開始執屋了,家裡真的超多野做呢,所有被大鐵和小鐵的打亂了的玩具我都入了箱,因為不想0徙時間清潔完、擺好又被佢地踢散,是有點斬腳指避沙蟲的想法呢。
之後要想遊戲啦、節目啦、把家裡佈置成催眠別人愛國的地方啦、想dress code啦、預備遊戲禮物啦、道具啦,還有run-down,好認真架!只是為了玩!

因為是國慶,所以定了的dress code 最少都要有可表現國慶情緒的配飾才行!當天朋友們都已盡晒人仕咁配合,真的有點感動,若大家想看看我們的打扮,可於稍後到我的相簿看看。
當天的節目總算順利進行,雖然大家都遲到了,於是原定在四點的「升旗禮」都延遲到7點多才齊人舉行,大家對於我家的窗簾忽然變了大國旗配合奏國歌這個節目都十分之驚喜,我覺得沒有什麼東西比見到這個情景更爆呢!謝謝你們各人都乖乖的就位,令這個升旗禮變得十分完整和有意義!哈!


第二個高潮位,我想都是電玩族大激鬥,他們玩了EYE TOY的抹窗遊戲,太搞笑了(已拍下片段,不過不在此公開了,想看的朋友可以直接問我取得連結,呵呵!)!參賽者有Ben, Sandy, Daisy 和Carman,大家都對著電視螢幕做出抹窗的動作,限時抹得最多窗的就蠃。比賽去到中段大家都以為小Sandy會蠃,可是最後是由穿白Tee的Ben輕易跑出,只因為佢件白Tee!!

之後八時左右就開飯啦,同時也是藝術電影欣賞會的時間,我們看了《Signgraphy 2005》和張樹熊的《我們的爛功課》,實在很滿足呢!老實說張樹熊的提早出現令我很感動,我真的以為佢會到最後5分鐘先來,佢這樣提早出現除了可一起吃飯外,還能一起參與之後的壓軸超級遊戲--爭分奪秒為兩貓大激鬥!

那是一個掀起當晚第三個高潮位的遊戲:


製作玩具給大鐵和小鐵玩,吸引到小鐵的一組就得大獎,因為小鐵較內向;反之就是細獎,因為大鐵較八掛,容易引他注意。
六個朋友分成兩組:國瓜隊(Carman、陳佩華、Sandy);心如鹿撞隊(Daisy、張樹熊、喜怒不形於色但心如小鹿亂撞的Ben),猜拳分先後次序選擇材料(尼龍繩、日本裹禮物的紙繩、絲帶、膠袋和貓貓聞了會像吸毒般high的開心草)。
心如鹿撞隊先選擇了紙繩、絲帶和開心草;而國瓜隊就選擇了尼龍繩和膠袋。我就在旁觀察和做評判助理(助理大小鐵),一看Cast已經勢均力敵,國瓜隊有熟悉貓貓的Carman和手工藝奇才Sandy及陳佩華;而心如鹿撞隊就有超創意夫妻檔高材生和雜誌攝記Ben(呢個好似唔關事....)。到接近完成玩具的時候,我看到他們的作品,其實我已分出了勝負,雖然心如鹿撞隊製成品其貌不揚,可是在選料上已經取勝,當presentation的時候,更是蠃盡了大小兩鐵的歡心!最後以點數勝出。

這是大獎:子貓物語DVD和一隻沒有包裝的大小鐵的photo album光碟;


這是細獎:悉心自製和包裝的大小鐵的photo album光碟


我覺得二獎更似大獎!!前一晚做到零晨2點.....T__T
最後當然就是影相環節!大家都把大小鐵抱起影呀影,還有影了一些十分白痴的國慶主題相,這個希望有機會才跟大家分享。
十一尋花國慶玩貓會得以順利舉行,都是有賴一班好朋友的捧場,十月正是大鐵小鐵的半歲生日,希望大家來年有機會參加他們的生日會!heehee~~

起來!為我們國家爭一口氣!起來!為我們不願做奴隸的人們!為要發動革命的人們!!十一尋花玩貓會沒你不行!