星期三, 11月 30, 2005

真轉轉貓出現!


小鐵係咁玩自己條尾玩左成晚
呢條片之前已經轉左幾次,已經轉慢左了!

星期二, 11月 29, 2005

Illustration Friday--Small

講呢件事先:
為左方便自己儲起D在網上post/連載的畫,我另開了一blog (http://kardenwhatever.blogspot.com),


入面主要係擺illustration friday的畫和我在女.性.網專欄「她和她」的作品,只喜歡看畫、討論畫的朋友,以後可以到那裡,呢邊可以唔理了(因為我語言文字、表達理解智障極了!)。如果對我的作品都係no comment的,你就更可以skip了這個post不看了。謝謝。


這是今次的畫作
Illustration Friday--Small
::點擊以放大圖片::


這次專登買了小學時用的街簿來畫畫,想輕鬆D,效果都ok! 唔!要搵次試下格仔紙上水彩,應該會好靚!
黑色是小鐵的手手,佢有時會將手手搭住我隻手/大脾上,今晚我坐0係梳化畫畫,佢0係隔離就這樣搭住我的手了!n__n
要是周圍都散有貓糧,咁就太理想了!

星期一, 11月 28, 2005

微軟輕異色詩/小說集《潔癖者的極樂世界》月下誇媒體讀詩會at維園露天書節

轉貼from: http://www.xanga.com/meiyuehan




微軟輕給我的簽名:)
羨慕嗎?

星期五, 11月 25, 2005

唔准成日咁開心!

Melody帖和苑欣小禮物
今晚melody派帖,當然約了我們一班玉米米的舊同事出來晚飯,順便聚聚。飯局中有很久沒有見的苑欣姐姐、很親切的joan(因為一見到就想起小牛妹)、很掛念的思敏、新認識的蝦妹和傳說中的Terry(對!是皇冠的那個!)!! Melody看來瘦了一點,想必是因為籌備婚禮搞到瘦了呀,可是她竟說自己肥了,真驚!苑欣和思敏好似從四、五年前認識時都是那個樣子和style,而且苑欣更有著張偉健和梁朝偉那種十年如一日的不衰老樣子!實在十分佩服!
雖然大家都很久沒有見面,可是並沒有因此而見外了,再加上大家都是在出版界工作,自然也沒有什麼談不到。只是起初大家都以為Terry會悶死在(六女一男的)飯局裡,又以為我會在兩個我不認識的舊同事飯局中悶死,點知在我坐下不久就跟(傳說&久仰其名的)Terry談起來了,大家看到都奇怪,只怪出版界都真的不太大。除了跟T輕輕說了些皇冠的人和事之外,也告訴了苑欣課室的衰野,讓她和T兩個在男廁出版社的人知道同行有這些敗類!!這次一聚還知道了思敏在癲地圖書工作!yeah! 買李碧華有半價!說到買書有半價,原來苑欣自己也出了手工書,雖然是為公司而做,因為公司為了慳錢,苑欣順理成章變成作者,整本書的作品和排版設計都由她一手製作,我一定會要買一本支持支持!!也可以托思敏買!有半價,真開心!: D

要介紹一下上面的相,右面的是Melody自己設計的囍帖,老公給騎住了!XDD 大家也很喜歡這個設計啊!原本她讓我看選擇的版本,後面是一間小教堂,已覺很溫馨了,今天竟變了一座超靚又宏偉的大教堂,勁Grand!還有聖誕感覺,不錯不錯!^0^ 而且帖是珍珠卡(信封也是珍珠紙)啊!真的超超超超超有錢!!!我想我不會把它丟掉。哈!
左面的就是苑欣親手造俾大家的小手工禮物,我問她那是什麼動物,她說手工書說那是一隻豹。
今晚又好開心。

我想我的死期應該將近了。

星期三, 11月 23, 2005

好開心!!

Chocolate Sticks 煙仔朱古力 $4/pack
上星期放工,在屋村士多買了這個;尋日朝早返工前,在屋村麵包舖又買了蛋糕仔;還在屋村涼茶檔(的確是個「檔」不是一間店)飲了五花茶。成日返工都好開心,返工好開心,好鍾意李鄭屋村,好鍾意佢好舊,D人好純,所有野都好正!!我會將果度的茶餐廳續人試勻的。哈哈

上星期的Playlist係:
《入洗衣機緊急掣》普普樂團(返工上車聽)

《The Ok Thing To Do On Sunday Afternoon Is To Toddle In The Zoo》&
《只因當時太緊張》My Little Airport(第一次到達李鄭屋村,邊搵返工地點邊聽)

尋日:
《Groupies 吉他手》陳綺貞(返工放工都聽緊)

星期一, 11月 21, 2005

2111

2111

星期四, 11月 17, 2005

Illustraion Friday--Strength


呢排喜歡製作/畫些簡陋/粗糙/lo-tec 和感覺平靜的畫。

I 'd like to make/ draw some illo feeling rough/crude/lo-tec and peace recently.

星期三, 11月 16, 2005

◇◆◇◆◇◆◇◆◇◆◇◆◇◆◇

我推了一單已做完的freelance。
係呀!兩敗俱傷,不過我覺得好開心!

星期日, 11月 13, 2005


十二號夜晚九點都未開得席....

星期五, 11月 11, 2005

Illustraion Friday--Night

hello, fds from Illustraion Friday~ when i get this topic--"night" it was Thusday in HK time, so i just pick up some old illo to post here, they were drawn in 3 different year, and represent something of mine or my job. Even though they are not my best illo at all now...Thank you.


#1

The woman keep waiting but no more bus arrive.
2002's production. Some ideas came from a movie of "Ghost World", and i like draw women wearing cheongsam and with mushroom hairstyle. haha


#2

2003's production. It was a wallpaper(800X600px) that let ppl download from my homepage, but it just presented as a normal pic in it finally.


#3

2004's production. Acutally this is the book cover of a educational textbook, Civil Education. I drew a very triditional chinese reading / writing poem cuz some of morality would came from some chinese folklore.
And that's the one i don't want to post it out the most. that's all....

星期四, 11月 10, 2005

終於有覺好目訓!好開心!!

有幾天晚上都冇目訓覺通了頂,失眠。尋晚終於有覺好目訓,各位一直擔心我經常唔食唔目訓的朋友可以暫時放心了。
因為目訓左覺,原本尋日要寫的開心事,留到今日先寫,唔緊要啦!好開心呢!:DDD

前晚冇訓,雕了塊膠版,雕膠版這個工作原本早早做了,只是因為我一直都懶去畫個稿,什至有一段時間,我忘記了點樣畫野,好灰,成個廢人咁,於是罰自己唔食野唔訓覺,這個是題外話。覺得不可以再這樣了,所以半夜逼自己畫,叫自己一定要做好,畫完個畫,心裡感謝大鐵和小鐵,他們給我源源不絕的靈感。雕好版畫已是早上7、8點了,即時為它們影個相,少少開心,因為只係少少滿意。
之後去左食早餐,因為打算下晝搵中學個miss借油墨轆(我冇買)開工試下,返來之後(仲以為自己ok精神)上messenger chat 同埋upload版畫D相。

忽然課室打來話有4頁freelance做,一直原本唔打算做佢地D野了,畫野超少錢,但呢次叫我排+畫magazine 4 個pages,話試下,大佬我即刻問清楚佢公司試稿有冇錢,佢話有(有D口窒),問佢pay到幾多,佢話可以pay到上次我講的價,有so,做!
又有少少開心。

繼續messenger啦,精神好差,睇個mon都頭暈,唔得啦要目訓,韃落床,死!目訓唔著!可能肚餓啦(咁快又肚餓!),咁無辦法,咪走去食完會眼目訓的麥當勞,去到我miss先打俾我,叫我三點半前好返去學校,如果唔係冇得用,果陣差唔多兩點,咪啦啦聲食完返屋企執野拎埋塊版出去,我唔想拖了,想即日做好有D野睇下。
印左幾張又改左少少,效果都唔太差咁啦,不過可以再做好D。好鐘意個畫印0係信封上面!

我在想,如果把故事的每一個圖畫都雕刻印出來,那很有噱頭呢!只做其中一個故事就好了!

返到屋企,check下女性網upload左我D野未啦,呢幾日都差D唔記得左我post左野....原來已經做好了!今次排得好靚好好睇呢,本以為一堆字咁樣,張圖又咁大,想必不太好看了,現在這樣很好呢,而且還加了"回應此文章"的掣!直接入到討論區,真感動!
因為女性網每次做完都會send個email俾我,叫我去看看,那我就照例check啦,這次佢send了兩個email俾我,我忘了原來上次我問過佢有沒有一些關於婦女的工作可介紹,這次佢就回覆我有份圖書館資料整理的工作,真係太感動人了!!!!我差D就喊了出0黎啦!!我不介意是散工呢,最緊要的是我可以有多些機會和途徑去了解更多關於這個範疇的事了!
真的太感人呀!

為什麼好事會在一天之內發生呀?這就是「一切都會好起來」的情形嗎?
還是我死期將近了?
朋友告訴我不是,好彩。

晚上就走了去市中心好好地食餐飯(知道我一日裡怎樣吃東西的朋友,你可以想像這絕對是難得的安樂茶飯),好開心!
於是尋晚有覺好目訓。
替我開心嗎?

聽日我又要去一下課室,傾下做什麼了,祝福我不要再見到那個冇道義老細和不要再被奚落吧!

標籤: , ,

星期三, 11月 09, 2005

她和她


「她和她」是我在「女.性.網」的專欄,大家可以點擊上面的連結看看,我會不定期發表,專欄內更可看到上兩期的畫作。
這裡要補充少少,其實這個專欄已經是個多月前建立的了,因為我想等待新作品上載,才向大家公佈。
這裡實在要向Agnes說對不起! 十月頭我已急急催促你用半天時間為我整理那些文字...我實在不知道她們今次會做咁耐。
不過這次很正(我指網頁自己更新後),她們在文章下加了"回應此文章"的button,直接可以進入討論區,大家也來一起討論女性議題吧!
說來也要謝謝可洛為我起了這個專欄名「她和她」,我實在十分的喜歡啊!

********************************************************

下面這個是十月的〈花事〉(圖+文字),因為你們都是我的貴賓,這個畫是特別版,專欄看不到的,或你又可以當專欄那張是特別版,隨你喜歡吧!:)
歡迎隨便給我意見,謝謝。

new drawing_s2
我已搞不清我們究竟何時開始這樣。

你知道只有花瓣的溫柔才能使我平靜,於是給我滿室的花。
我們就在蓮花燈下發生了。
花香薰滿一室,花瓣散滿我的身體,兩腿之間都沾上了花粉,然後沉沒在花海中。
我平靜極了。
看著你那張陌生的臉,為什麼是你?
你把一朵牡丹插在我的髮髻上,我合上眼,哭了。

終於明白家中貓兒為何吃飽會哭,是因為牠們根本控制不來。

貓食物太香太吸引了,很多時吃都不是因為肚子餓;
到真正需要吃的時候,就覺得太膩,吃不下。

花粉都沾到臉上去了。
我們可以怎樣呢?
我只可以閉上眼,像貓兒一樣,又哭了。

你把蓮花燈調暗,我徐徐入睡。
我們可以怎樣呢?
我只想把這些告訴日記本,綁起來,不讓它溜出去。

星期二, 11月 08, 2005

痛到癲!錢呀錢!


呢排一起身背脊果幾個位就痛到癲
各位唔好以為我畫得衰,做咩左面膊頭高左,其實係真有其事,左面膊頭有舊骨高起左(定係右面膊頭舊骨低左?),變左高低膊,好恐佈!

***************************************
草今天終於打來說D野星期四可以output了(如無意外!),即係表示就0黎有錢收了。呢排我都好似《愛生事家庭》入面的仁媽媽咁!

錢呀錢

星期三, 11月 02, 2005

88條無啦聊聊的問題

從阿倩的日記的92條問題抽取88條來玩,建議大家認真睇晒,多謝∼

1. 你中文名好唔好聽? 唔難聽囉,ok?
2. 你英文名係邊個同你改? 自己
3. 你呢個電話號碼用左幾耐? 5至6年到
4. 你想唔想轉電話號碼? 有想有唔想;想係因為個號碼令我諗起我媽,原本是我媽用的;唔想係廢事煩。
5. 你幾耐換一次電話? 冇定啦明顯,如果部機好地地我唔會無啦啦換囉。
6. 你個mp3有幾多首歌,你最鍾意邊一首? 個mp3(iPod) 拎左去整,而家應該冇晒歌。
7. 你用緊咩電話繩? sorry, 而家個電話冇扣電話繩位!
8. 你有冇耳洞,仲想唔想啪? 穿唔入耳環果D唔算有啦呵? 啪完又埋再啪完再埋,啪到唔想啪。
9. 你留唔留指甲? 唔想
10. 你鍾唔鍾意自己個髮型? 想剪,而家似乞兒。
11. 你而家戴緊咩飾物? 頸鏈、介指、手鏈
12. 你有冇化妝? 你會唔會化妝? 冇。唔會,點解要?
13. 你有冇近視?有冇戴眼鏡? 有,屋企同工作先戴
14. 你出街有d咩一定要帶? 介指,而家唔戴會周身唔聚財咁
15. 你有咩最近唔見左然後好唔開心? 好似冇啵!!
16. 你最近收到咩禮物? 自己睇(click!)
17. 你有咩最想要?
18. 你最近買左咩係用得最多錢?CD(最近只買了呢樣野!而且只買了一隻咁大把!)
19. 有冇d咩想要但冇$買? 主要係鞋&衫
20. 想要d咩係有錢但買唔到? 太多啦!
21. 你拍過幾多次拖?嚴格來講,兩次
22. 你初吻比左邊個? 唔答!
23. 你0岩0岩男朋友同你拍拖幾耐? 就快5年
24. 你會唔會一腳踏兩船? 唔知
25. 你會唔會搶人地男/女朋友? 唔知,睇情況
26. 如果比人搶男/女朋友會點? 唔知
27. 你有冇邊一段戀情想返番轉頭? 中學時,知道大家感覺一樣,但到最後沒有一齊的果單
28. 咁你仲有冇同果個人聯絡? 冇,茅玩!
29. 一個最有回憶既地方? 冇一個地方是「最有」喎,回憶對我太重要,個個地方都有好多回憶的!
30. 最鍾意邊個假期? 國慶,因為自己冇民族意識,但放假就好似好關自己事,好似無啦啦有日假期,好開心。
31. 假期裡面有無邊一刻係最想留住? 都有0既,要講嗎?你好似剩係問「有無」咋喎....
32. 呢個假期有咩係你第一次見到? 第一次見到大家對於昇旗禮的燦爛笑容
33. 有咩係假期後令你改變? 民族意識,因為玩貓會。
34. 有咩你假期前唔會做假期後變得會做?
35. 咁呢個假期有無唔開心既時候? sorry,冇!
36. 問多你一次有冇d特別野你係未做過而呢個假期做左?成個尋花玩貓會(click!)已經夠特別啦!
37. 你對上一次假期係幾時? 又問?咪國慶
38. 最鍾意咩玩具? 扭蛋(特別係豆腐同forg stytle)
39. 而家想要d咩新野? 主要係鞋&衫,其次係玩伴ssss ;-)
40. 買得最貴既一件衫? 工人衫
41. 買得最貴既一對鞋? boot
42. 買得最貴既一個袋? 四舊叫唔叫貴?唔貴啦呵?
43. 有幾個多件tee? 太多了!!
44. 有幾多對converse? 而家冇,著爛左又丟左的都只有2﹣3對
45. 有幾多對波鞋? 一對,ADIDS super star
46. 有幾多個袋? 十幾個到
47. 最鍾意既牌子? 冇特別,我唔係好牌子的人,買野多數睇料。
48. 0岩0岩對上食左咩? Airwave
49. 0岩0岩打比邊個? 我咁個重撥掣見到"阿草"
50. 0岩0岩對上接邊個電話? 陳佩華
51. 0岩0岩嚮icq/msn同邊個傾計? 0岩0岩冇icq/msn
52. 0岩0岩send sms比邊個? 0岩0岩冇send sms
53. 0岩0岩收邊個sms? 橙台,話我有miss call
54. 0岩0岩對上睇咩戲? 《情書》:D
55. 0岩0岩聽首咩歌? "Don’t Blame Your Daughter (Diamonds)" the cardigans
56. 0岩0岩對上搭咩車番屋企? 59M巴士
57. 0岩0岩對上一次邊個上過你屋企? 阿倩
58. 0岩0岩對上一次邊個拖你手仔? 大鐵(click!)
59. 0岩0岩對上一次邊個同你影相? 大輝
60. 0岩0岩對上一次同邊個傾long distance? 冇啵
61. 0岩0岩對上一次暗戀既人? 都冇
62. 0岩0岩對上一次講大話呃邊個? 冇講大話
63. 講大話係因為咩事? 冇講出來算唔算講大話?
64. 0岩0岩對上一次發脾氣係因為邊個? 冇發脾氣
65. 發脾氣係因為咩事? 都冇發脾氣
66. 0岩0岩對上一次喊係幾時? 十月十五號,波波死果日
67. 幾耐洗一次頭? 唔定,兩日到
68. 幾耐沖一次涼? 日日沖
69. 出門口要準備幾耐? 1個鐘左右啦!!
70. 幾耐洗一次牛仔褲? 冇牛仔褲
71. 收過花未? 收過
72. 送過花未? 細個時試過,多數送俾阿(女麻)
73. 有冇比人批評過? 幾時? 有,成日。
74. 有咩理想? 搵個有錢男朋友,貼自己出去搵浪漫男朋友!(答呢D唔洗太認真架嘛!)
75. 鍾意讀書定返工? 返工!返工有錢,返學是俾錢!That is IMPOSSIBLE!!!!!
76. 內向定外向? 外向,而家開始內向....
77. 邊一個同你最老友? 冇特定。我唔會咁樣鎖住D人的。
78. 邊個人你最掛住? 都冇特別,我都唔係咁樣對D人。D人唔鍾意我掛住的。
79. 邊個朋友嚮外地? 鄭建亨,殷文傑
80. 你電話save左幾多個電話no.? 太多!
81. 你電話save左幾多個sms? 只可以save到35個,多一個都話爆!
82. 邊個打得最多比你? 冇人打俾我
83. 邊個send得最多sms比你? 冇特別邊個
84. 你想唔想換個新環境生活? 想。遲D會搬返出來自己住。
85. 你而家最想打比邊個? 冇啵
86. 最想去邊? 灣仔舊區、九龍城、澳門(住喎!)
87. 如果你而家大嗌,你會嗌d咩? 死八婆死八婆死八婆死八婆死八婆死八婆死八婆死八婆死八婆死八婆!!!!!!!」同埋「好肚餓呀!!!!」(不過呢句真係叫唔出,太肚餓了而家,冇晒energy....)
88. 答上面問題時有冇講大話? 你話呢?